«Барыс» жеңіс тойын қашан тойлайды?

«Барыс» ҚХЛ-дағы жеті кездесуде алтыншы рет жеңіліс тапты.

Қазақстандық команда Құрлықтық хоккей лигасының (ҚХЛ) кезекті ойынында «Витязь» командасынан жеңіліп қалды. Балашихада өткен кездесу 4:1 есебімен айдын иелерінің пайдасына аяқталды. Онда Иван Чехович (4-минут), Егор Воронков (20-минут), Иван В.Воробьев (33-минут) және Дерек Барак (37-ші минут) гол соқты. «Барыс» сапынан Әділ Бекетаев (20-минут) мергендігімен көзге түсті.

Давид Немировски шәкірттері келесі ойынын өз айдынында 24 қыркүйекте Мәскеудің «Динамосына» қарсы өткізеді.

6 ұпаймен «Витязь» Батыс конференциясының кестесінде жетінші орында. Ал 3 ұпайы бар «Барыс» «Шығыста» соңғы, 12—орынға жайғасты.