«Ақтөбе» Қазақстан Кубогын жеңіп алды

Бүгін, 29 қыркүйекте Алматының Орталық стадионында футболдан Қазақстан Кубогының финалында «Атырау» және «Ақтөбе» командалары кездесті.

Кездесу 2:1 есебімен ақтөбеліктердің пайдасына шешілді. «Атырау» сапында Николай Синьевич есеп ашты. Алайда екі минуттың ішінде Әлібек Қасым пенальтиден таразы басын теңестірсе, артынан Фредди Гондола ақтөбеліктерге жеңіс әкелді.

Естеріңізге сала кетейік, «Атырау» финалға жолдама алу үшін SD Family, «Қайрат» пен «Тобылды» жеңсе, «Ақтөбе» «Жетісу», «Ордабасы» және «Елімайды» ұтқан болатын. Бұған дейін екі клуб бір мәрте ғана кубокты жеңіп алған болатын.

Кубок иегері 65 миллион теңге алса, жеңілген командаға 45 миллион теңге сыйақы беріледі.