Қазақстандық теннисші Александр Бублик испаниялық Педро Мартинеспен бірге жұптық сында Бейжіңде өтіп жатқан ATP 1000 турнирінің жартылай финалына өте алмады. Қазақстан-испан дуэті италиялық Симоне Болелли – Андреа Вавассори жұбынан 0:6, 5:7 есебімен жеңіліп қалды.
Дәл осы турнирде италиялық Элизабетта Коччаретто мен ресейлік теннисші Людмила Самсонова жұптық сайыстың бірінші айналымында ресейлік Анастасия Потапова мен қазақстандық Юлия Путинцеваны ұтты. Матч 6:4, 0:6, есебімен аяқталды.
Ал Жібек Құламбаева италиялық Николь Фосса Хуэргомен жұптық сында Аргентинада өтіп жатқан ITF W50 турнирінің финалында жеңіліп қалды. Турнирде Жібек пен Никольді 6:4, 7:5 есебімен жеңген Каролина Алвес (Бразилия) — Жулия Риера (Аргентина) жұптары жеңімпаз атанды.
