Бүгін, 29 қыркүйекте Өзбекстанда футзалдан 2024 жылғы әлем чемпионатының 1/4 финалдық кезеңінің алғашқы ойыны өтті,
Бұхарада Бразилия Мароккомен кездесті. Жарыстың фавориттері үш гол соғып, өз мәртебесін тағы бір дәлелдеді. Африка құрамасы бір гол соғып есе қайтарғандарымен, жеңіске жетуге уақыт та күш те аздық етті. Нәтижесінде 3:1 есебімен Бразилия бірінші болып турнирдің жартылай финалына шықты.
Бразилиялықтар сапынан Марсель, Леандро Лино және Диего гол соқты. Марокколықтардан Бумезу гол соқты.
Естеріңізге сала кетейік, бразилиялықтар 1/8 финалда Коста-Риканы (5:0) жеңген болатын. Жартылай финалда Украина-Венесуэла текетіресінің жеңімпазымен кездеседі.
Айта кетейік, Қазақстан 30 қыркүйек күні Аргентина құрамасымен ширек финалдық кездесу өткізеді.
