«Барыс» командаға қазақстандық хоккейшілерді ғана жинай ма?

Қазақстандық хоккейші Артур Гитятовтың елордалық «Барысқа» оралуы мүмкін.

«Головой об лед» телеграм арнасының инсайдерлік ақпараты бойынша Артур Гитиятов шотландиялық «Файф Флайерс» клубымен келісім-шартын тоқтатты. Бұл туралы клубтың өзі осы аптада ресми жариялайды.

«Хоккейші еуропалық лигалардан ұсыныстарды, сондай-ақ «Барыс» жүйесіне қайта оралуды қарастыруда» — деп жазады дереккөз.

Айта кетейік, бүгін, 23 қазан елордалық ұжым Құрлықтық хоккей лигасы аясында Новосібірдің Сібір командасына қарсы сырт айдында кездеседі.