Қазақстандық жас теннисшілер ITF J300 турнирінің финалына шықты

Кореяның Ванжу қаласында жасөспірімдер арасындағы ITF J300 турнирінде Әмір Омарханов (Қарағанды) пен Малика Әмірғалиева (Өскемен) жұптық сайыстың финалына шықты.

Жасөспірімдер арасындағы турнирдің бірінші ракеткалары болып тіркелген Әмір Омарханов пен Хойонг Рох (Корея) жартылай финалда жапониялықтар Шион Ицусаки/Хиромаса Коаяманы жеңді — 6:3, 6:4. Ертең, 26 қазанда қазақстандық-корейлік жұп Кореядан келген Дженсу Джон/Джанджун Киммен сынға түседі.

Қыздар арасында Малика Әмірғалиева мен Ю Чен Ли (Қытайлық Тайбэй) Ю Чинг (Қытайлық Тайбэй)/Джун Охты (Корея) 6:3, 6:3 есебімен сенімді түрде жеңді. Чемпионат финалында Малика мен Ю кореялықтар Йесунг Чо/Су Джон жұбымен кездеседі.