«Қайрат» пен «Семейдің» элиталық кезеңдегі қарсыластары белгілі болды

Футзалдан Чемпиондар лигасының элиталық раундының жеребесі тартылды.  Алматылық «Қайрат» элиталық кезеңде «Олмиссум», «Этуаль» және «Динамо» төрттігі құрайтын «B» тобында ойнайды. Бұл топтың ойындары Хорватияның Загреб қаласында өтеді.

Ел чемпиондары «Семей» элиталық кезеңнің «D» тобына түсті. Семейліктерден бөлек бұл топта «Пальма», «Лученец» және «Рекорд» командалары бар. «D» тобының ойындары Испанияның Мальорка қаласында өтеді.

УЕФА Чемпиондар лигасының элиталық кезеңі 26 қараша мен 1 желтоқсан аралығында өтеді. Төрттік финалға әр топтан тек 1 ғана ұжым шығады.