Атақты италияық палуан Франк Чамисо 29 қарашада өтетін Wrestling Stars турниріне қатысу үшін Астанаға ұшып келді. Чамисо екі дүркін әлем чемпионы және төрт дүркін Еуропа чемпионы, 2016 жылғы Олимпиаданың қола жүлдегері екенін айта кетейік. Әлемдік күрес жұлдыздары қатысатын дәстүрлі турнир сегіз салмақ дәрежесі бойынша өтеді. Оған тағы бір Олимпиада жүлдегері Черман Валиев те қатысады.
Қазақ балуандарынан Азия чемпиондары Азамат Дәулетбеков, Данияр Қайсанов және Санжар Досжанов, 2019 жылғы әлем чемпионатының күміс жүлдегері Қорлан Жақанша, 20 жасқа дейінгі әлем чемпионы Исхар Құрбаев сынға түседі.
Сондай-ақ турнирге 23 жасқа дейінгі әлем чемпионы Начын Куулар мен қырғыз балуаны, әлем чемпионы Ұлықбек Жолдошбековтың да қатысатыны белгілі болды. Турнир елордадағы Beeline Arena спорт кешенінде өтеді.
